Translate

Wednesday, June 7, 2017

டிரங்குப் பெட்டியிலிருந்து - அஸ்வமேதா சிற்றிதழ்

டிரங்குப் பெட்டியிலிருந்து
அஸ்வமேதா சிற்றிதழ்
அறிமுகம் செய்பவர் : திரு.அ.நாகராசன்.

வணக்கம் நண்பர்களே.

இந்த டிரங்குப் பெட்டியிலிருந்து என்ற பகுதி. தமிழ்ச் சிற்றிதழ் உலகில் ஒரு காலத்தில் பீடு நடை போட்டு, நின்று போன சிற்றிதழ்களை உலக வாசகர்களுக்கு அறிமுகப்படுத்தும் பகுதி. இதில் இன்றைய வாசகர்கள் அறிந்திராத பழைய சிற்றிதழ்களை வெளிக் கொண்டு வந்து,  அதன் முகப்புப் படத்துடன், இதழின் சிறப்புகளை எடுதுரைப்பதின்மூலம், சிற்றிதழ்கள் மீது  ஆர்வத்தையும், ஈடுபாட்டையும் உருவாக்கும் நோக்கம் தான் இதன் மைய பொருள் ஆகும்.



Monday, June 5, 2017

சிற்றிதழ்கள் உலகம் 4வது இதழ் வெளியீடு

சிற்றிதழ்கள் உலகம் 4வது இதழ் வெளியீடு 
ஹைக்கூ சிறப்பிதழ் 
ஆசிரியர் : கிருஷ்.ராமதாஸ்.

வணக்கம் நண்பர்களே.
இன்று சிற்றிதழ்கள் உலகம் ஹைக்கூ சிறப்பிதழ்  வெளியிடப்பட்டது. இந்த இதழின் சிறப்புகள்:


Sunday, May 7, 2017

ஒரு சிற்றிதழ் படைப்பாளி உருவான வரலாறு

ஒரு சிற்றிதழ் படைப்பாளி உருவான வரலாறு.
ஒரு சாதாரன மாணவன் ஒரு சாமான்ய எழுத்தாளனான கதை.
மறதிப் பாழில் மக்கிப் போகாத சிற்றிதழ் வரலாறு.
எழுத்தாளர் திரு.பாட்டாளி,
திருச்சி.

வணக்கம் நண்பர்களே.

முக நூலில் என்னுடைய சிற்றிதழ்கள் தேடும் படலத்தில்,  எப்போதும் பதிவுகளின் கீழ் ஏதாவதொரு சிற்றிதழ் பெயரை தொடர்ந்து பதிவு செய்து வரும் திரு.பாட்டாளி அவர்களின் பதிவுகள் என்னை மிக கவர்ந்தன. அந்த பதிவுகளுக்கான சிற்றிதழ் முகப்புப் படங்கள் கேட்டு வாங்கி இருக்கின்றேன். ஒரு முறை நான் கோபித்துக் கொண்டது கூட உண்டு. 



Thursday, April 27, 2017

தரமான சிற்றிதழ் தேடுவோருக்கு

தரமான சிற்றிதழ் தேடுவோருக்கு 
' தளம் ' சிற்றிதழ் 
ஆசிரியர் : பாரவி. 

வணக்கம் நண்பர்களே.
தரமான சிற்றிதழ் தேடும் வாசகர்களுக்கு நீங்கள் துணிந்து பரிந்துரை செய்ய அத்தனை தகுதிகளும் உள்ள சிற்றிதழ் தான் 'தளம்' சிற்றிதழ். இந்த இதழின் ஒவ்வொரு பக்கங்களிலும் ஆசிரியரின் முழு அர்ப்பணிப்பையும், சமரசம் இல்லாத உள்ளடக்கங்களை தேர்வு செய்துள்ள முறையும்,  நீங்கள் உணர்வீர்கள். அந்தளவு இதை ஒரு இதழாக இல்லாமல்,  இயக்கமாக கொண்டு சொல்லுகின்றார் இதன் ஆசிரியர் திரு.பாரவி அவர்கள். 



Wednesday, April 26, 2017

பாரதி எனும் பத்திரிக்கையாளன்

பாரதி எனும் பத்திரிக்கையாளன்
முனைவர் சங்கரராம பாரதி
சிற்றிதழ்கள் உலகம் 3வது இதழ்.

வணக்கம் நண்பர்களே.
முக நூலில் நான் பயணிக்கும் கடந்த 6 வருடமாக உற்று நோக்கிய சிலரில் என்னைக் கவர்ந்தவர்களில்  தம்பி சங்கரராம பாரதியும் ஒருவர். ஆசிரியராக, எழுத்தாளராக, மேடைப் பேச்சாளராக, என் ஆதர்ச நாயகன் பாரதியின் புகழ் பாடும், பாவலராக வலம் வருபவர் இவர்.

Tuesday, April 25, 2017

கலா புவன் கவிதை

கலா புவன் கவிதை
சிற்றிதழ்கள் உலகம் இதழ் - 3
கிருஷ்.ராமதாஸ்.
மகிழ்ச்சியாய் இருக்கிறது நண்பர்களே. 
கலா புவன் அவர்களின்  முகநூல் பதிவிலிருந்து நானாகவே எனக்கு பிடித்திருந்த ஒரு கவிதையை தேர்வு செய்து அதை சேமித்துக் கொண்டேன். அதற்க்காக அவர் பதிவிட்டிருந்த படம் என்னை மிகவும் கவர்ந்தது. அது வரை அறிமுகம் இல்லை. 

என் மண்ணுக்கான மரியாதை இது.

என் மண்ணுக்கான மரியாதை இது.
மண்கவுச்சி வீசும் கோவிந்தன் ஓவியங்கள்
இரத்தின புகழேந்தி
ஆம். நண்பர்களே.
மண்கவுச்சி வீசும் கோவிந்தன் ஓவியங்கள். திரு.இரத்தின் புகழேந்தி அவர்களிடம் நம் இதழுக்கான கட்டுரை வேண்டி சில தலைப்புகளை கொடுத்தேன். அவர் திரு.கோவிந்தன் என்ற சிறந்த கலைஞரை பற்றி பதிவிட விரும்புகின்றேன் என்றார். 

Sunday, April 23, 2017

சிற்றிதழ்கள் உலகம் 3வது இதழ்

உலக புத்தக நாள்
சிற்றிதழ்கள் உலகம் 3வது இதழ் வெளியீடு
கிருஷ்.ராமதாஸ், 
ஆசிரியர் & வெளியீட்டாளர்.

வணக்கம் நண்பர்களே.
உலக புத்தக நாளில் உங்களின் முன் எங்கள் சிற்றிதழ்கள்  உலகம் 3வது இதழை உலக வாசக வெளியில் இன்று வெளியிடுவதை மிகப் பெருமையாக கருதுகின்றேன். இந்த வெற்றியை எங்களுக்கு சாத்தியமாக்கிய அனைத்து நல்லுள்ளங்களுக்கும் எங்கள் சிரம் தாழ்ந்த நன்றியை உரித்தாக்குகின்றோம்.

Thursday, April 13, 2017

டிரங்குப் பெட்டியிலிருந்து - மங்களம் வார இதழ்

டிரங்குப் பெட்டியிலிருந்து - மங்களம் வார இதழ்
மங்களம் வார இதழ்,
ஆசிரியர் : எம்.சி.வர்ஹீஸ்,
வெளியீடு : மங்களம் குழுமம், கேரளா.

கேரளத்தின் முதன்மை இதழாக திகழ்ந்த மங்களம் [மலையாளம்] இதழை வெளியிட்டு வந்த மங்களம் குழுமத்திலிருந்து வந்த தமிழ் வார இதழ் தான் மங்களம் வார இதழ்.

Friday, March 31, 2017

மாயயை உடைக்க வேண்டும் என்ற வெறி.

மாயயை உடைக்க வேண்டும் என்ற வெறி.
தமிழ்ச் சிற்றிதழ்கள் நிலை

வணக்கம் நண்பர்களே.
தமிழ்ச் சிற்றிதழ்கள் என்றால் குறைப் பிரசவம். ஆயுள் குறைவு. நீண்ட நாட்கள் வந்தால் அது சிற்றிதழ் இல்லை.
இது போன்ற பேச்சுக்களை இன்னும் எத்தனை நாட்களுக்கு சொல்லிக் கொண்டிருக்கிப் போகின்றோம். இந்த நிலையை மாற்ற நாம் என்ன திட்டத்தை முன் வைத்திருக்கின்றோம். இது கடந்த 6 ஆண்டுகளாக இணைய உதவி மூலம், என் கவனம் முழுவதையும் சிற்றிதழ் துறையில் செலுத்த ஆரம்பித்த உடன் எனக்குள் எழுந்த கேள்வி தான் இது. அதனால் நம் பயணம் இந்த இலக்கை நோக்கித்தான் இருக்க வேண்டும் எனத் தீர்மானித்தேன்.

Wednesday, February 8, 2017

சிற்றிதழ் அறிமுகம் - ஓலைச்சுவடி

சிற்றிதழ் அறிமுகம்  - ஓலைச்சுவடி
ஒரு இளைஞனின் இதயத் துடிப்பு 
ஓலைச்சுவடி சிற்றிதழ்
ஆசிரியர் : கி.ச.திலீபன்.

வணக்கம் நண்பர்களே.
ஒரு இளைஞனின் இதயத் துடிப்பு, அதன் வீரியத்தையும், விவேகத்தையும், வெளிக் கொணரும் ஆற்றலையும், பெற்று விட்டால் அது வெடித்துச்  சிதறும்  எரிமலையாக எப்போது வேண்டுமானாலும் வரக்கூடும். அப்படித்தான் ஓலைச்சுவடி சிற்றிதழும் புதையுண்ட மலையிலிருந்து எரிமலையாக வெடித்து வெளி வந்துள்ளது.

Tuesday, January 31, 2017

சிற்றிதழும் சுகனும் - ஒரு நினைவலை

 சிற்றிதழும்  சுகனும் - ஒரு நினைவலை

கிருஷ்.ராமதாஸ்,
ஆசிரியர் & வெளியீட்டாளர்,
சிற்றிதழ்கள் உலகம் மின்னிதழ்.

ஆம் நண்பர்களே. காணாமலே காதல் கொண்ட  காதல் கோட்டை நாயகன் போல, நானும் காணாமலே காதல் கொண்ட நண்பன் தான் சௌந்தர சுகன் சிற்றிதழின் ஆசிரியர் & வெளியீட்டாளர் மறைந்த அன்பு நண்பர் திரு.சுகன் என்கிற சரவணன்.

பல ஆண்டுகளாக சௌந்தர சுகன் என்று ஒரு சிற்றிதழ் வருவதை அறிந்திருக்கின்றனே ஒழிய சுகனை அறிந்திருக்கவில்லை. சிற்றிதழ்கள் குறித்த செயல்பாடுகளில் தீவிரமாக ஈடுபட்ட பிறகு தான் அவரைப் பற்றிய விபரங்களை தேட ஆரம்பித்தேன்.




Thursday, January 26, 2017

ஈழ இலக்கிய சிற்றிதழின் உலக சாதனை

ஈழ இலக்கிய சிற்றிதழின் உலக சாதனை 
ஞானம் சிற்றிதழின் 200வது இதழ் வெளியீடு.
ஆசிரியர் : திரு.தி.ஞானசேகரன், 
இலங்கை.

இலங்கையிலிருந்து இலக்கிய பெருந்தகை அய்யா திரு.ஞானசேகரன் அவர்களால் நடத்தப்படும் சிற்றிதழ் தான் ஞானம். ஈழ  இலக்கிய உலகின்  விடிவெள்ளியாக இந்த இதழ் திகழ்ந்து வருகிறது என்றால் மிகையாகாது. ஒரு இதழை தொடர்ந்து 200 இதழ்கள் வெளிக் கொண்டு  வருவது என்பது ஒரு உலக சாதனையாகும். 

Wednesday, January 11, 2017

சிற்றிதழ்கள் மேம்பாட்டுக்காக ஒரு மின்னிதழ்


சிற்றிதழ்கள்  மேம்பாட்டுக்காக ஒரு  மின்னிதழ்.

சிற்றிதழ்கள் உலகம் மின்னிதழ்
ஆசிரியர் : கிருஷ்.ராமதாஸ்.


வணக்கம் நண்பர்களே.
உலக இலக்கிய வரலாற்றில் சிற்றிதழ்கள் மேம்பாட்டிற்காக வெளிவந்த முதல் சிற்றிதழ் என் ஆதர்ச நயகன் அய்யா திரு.பொள்ளாச்சி நசன் அவர்களில் 1990 களில் வெளியிட்ட " சிற்றிதழ் செய்தி" என்ற இதழாகும்.
அதன் பிறகு அதே சிற்றிதழ்கள் மேம்பாடு என்ற ஒற்றைக்  கொள்கையுடன் வெளி வரும் இரண்டாவது இதழ் தான் "சிற்றிதழ்கள் உலகம் மின்னிதழ்" என்பதை பெருமையுடன் அறிவிக்கின்றேன். 

Friday, December 30, 2016

டிரங்குப் பெட்டியிலிருந்து - தலைச் சோறு

டிரங்குப் பெட்டியிலிருந்து - தலைச் சோறு
தலைச் சோறு சிற்றிதழ்
இணை ஆசிரியர்: சிவ.விஜயபாரதி
சோழபுரம், கும்பகோணம்.

வணக்கம் நண்பர்களே.
கடாரம் கொண்ட ராஜேந்திர சோழனின் வரலாற்றில் முக்கிய இடமாகத் திகழும், கும்பகோனம் அருகில் உள்ள சோழபுரம் மண்ணிலிருந்து, மண்வாசனை குறையாமல், தமிழகம் முழுவதுமான இலக்கிய வெளியில், வாசகர்களுக்கு இலக்கியச் சோறு வழங்க  வந்த சிற்றிதழ் தான் " தலைச் சோறு " என்ற பெருமைக்குரியது இந்த சிற்றிதழ்.  

Wednesday, December 28, 2016

டிரங்குப் பெட்டியிலிருந்து இலக்கிய வெளிக்கு வரும் சிற்றிதழ்

டிரங்குப் பெட்டியிலிருந்து இலக்கிய வெளிக்கு வரும் சிற்றிதழ்

பல்லவி சிற்றிதழ்.
ஆசிரியர் : 
திரு.பல்லவி குமார் [எ] சீர்காழி எஸ்.குமார்
சீர்காழி.

வணக்கம் நண்பர்களே.
சீர்காழியிலிருந்து,  பல்லவபுரத்து இளவரசியின் அழகுக்கும், அறிவிற்கும் சற்றும் குறைவில்லாத வகையில் தமிழக இலக்கிய வெளியில் 1986 களில் வெற்றி முரசு கொட்டிய சிற்றிதழ் தான்            " பல்லவி ".  இந்த இதழ் ஒரு கூட்டுக்  குழுவாக திரு.பல்லவி குமார் அவர்கள் தலைமையில் வெளி வந்துள்ளது.

Friday, December 23, 2016

சிறுகதைப் போட்டி முடிவுகள்

சிறுகதைப்  போட்டி முடிவுகள்

சிற்றிதழ்கள் உலகம் சிறுகதைப்  போட்டி முடிவுகள்.

வணக்கம் நண்பர்களே. 
சிற்றிதழ்கள் உலகம் நடத்திய சிறுகதை போட்டிக்கு 15 கதைகள் வர பெற்றன. அந்த கதைகளின்,  எழுதியவர்களின் பெயருக்கு பதிலாக எண்  வழங்கப்பட்டு ஒப்புக் கொண்ட 4 நடுவர்களின்   இமெயிலுக்கு அனுப்பப்பட்டது. அதில் கவிஞர் ஜெய தேவன் அவர்களின் கணினி பழுதடைந்த காரணத்தால் அவர் பங்கேற்க்கவில்லை. மற்ற 3 நடுவர்களின் மதிப்பெண்களின் கூட்டுத் தொகையின் அடிப்படையில் முடிவுகள் அறிவிக்கப்படுகின்றன. இதில் நம்முடைய பணி  என்பது  ஒருங்கிணைப்பு மட்டும் தான். 

கடும் போட்டி. ஒரு மதிப்பெண் வித்தியாசத்தில் இடம் நழுவிப்  போகும் நிலை. இந்த முடிவுகள் எந்த எழுத்தாளரையும் குறைத்து மதிப்பிடக் கூடியது இல்லை. கடும் போட்டிக்கிடையில் ஒரு மதிப்பெண் அதிகம் பெற்று முதலிடத்தை பெறுபவது  திருமதி.உமா குமரி உத்ரா [எ ] உமா மஹேஸ்வரி அவர்கள் எழுதிய  "தண்ணீர்" என்ற சிறுகதை என்பதை மகிழ்ச்சியுடன் தெரிவித்துக் கொள்கின்றேன். வாழ்த்துக்கள் திருமதி.உமா அவர்களே. அவருக்கு முதல் பரிசாக சிற்றிதழ் ஒன்றுக்கு ரூ .300/= சந்தா  செலுத்தப்படும். இந்த சிறுகதை மகா கவி சனவரி மாத சிற்றிதழில் வெளிவர இருக்கிறது. 

Wednesday, December 21, 2016

சிற்றிதழ் வாசகர் விமர்சனம்

சிற்றிதழ் வாசகர் விமர்சனம் 
பெயல் ஆய்விதழ் 
ஆசிரியர்: டாக்டர்.செந்தில்குமார் 
கோவை.

வணக்கம் நண்பர்களே.
இதழியல் துறையில் ஒரு புதிய சகாப்தமாக வெளி வருகிறது பெயல் ஆய்விதழ். ஆய்வுக்காக மட்டுமே பிரத்தியேகமாக வரும் இதழ். டாகடர்.செந்தில்குமார் அவர்களை ஆசிரியராகக் கொண்டு, பல வல்லுநர்களை குழு உறுப்பினர்களாக கொண்டு கோயம்புத்தூரிலிருந்து பீடு நடை போடும் இதழ் தான் பெயல். 

Thursday, December 15, 2016

சிற்றிதழ் விமர்சனம் - 4

சிற்றிதழ் விமர்சனம் - 4
அம்பறா கவிதையிதழ் 
ஆர்ப்பரிக்கும் கவிதையிதழ்

வணக்கம் நண்பர்களே .

சேலம் உருக்காலை  மன மகிழ் முத்தமிழ்  மன்றத்தின் இலவச வெளியீடாக வரும் சிற்றிதழ் தான் அம்பறா. இது ஒரு ஆர்ப்பரிக்கும் கவிதையிதழ் என்று கூறுவது சாலப் பொருத்தமாக இருக்கும். ஏனெனில் அத்தனையும் கவிதைகள். அதிலும் குறிப்பாக மன்ற உறுப்பினர்களின் கவிதைகள். 17 கவிதைகள். அத்தனையும் முத்துக்கள். ஒன்றை படிக்க ஆரம்பித்து  நிறுத்த முடியாமல் அத்தனையும் படித்து முடித்து தான் நிறுத்தினேன். 

Sunday, December 4, 2016

டிரங்குப் பெட்டியிலிருந்து இலக்கிய வெளிக்கு வரும் சிற்றிதழ்கள்

டிரங்குப் பெட்டியிலிருந்து இலக்கிய வெளிக்கு வரும் சிற்றிதழ்கள்

சிற்றிதழ் எண் : 3.

கலைச் சோலை இலக்கிய இதழ்
காலாண்டிதழ்.
ஆசிரியர் : திருமலை சோமு
சென்னை.

சிற்றிதழ் உலகில் பல அதிசயங்களும், ஆச்சரியங்களும் அவ்வப்போது நிகழ்வதுண்டு. அப்படி ஒரு நிகழ்வாக நடந்தது தான் கலைச் சோலை இலக்கிய இதழின் வெளியீடு என்றால் மிகையாகாது. ஆம் நண்பர்களே.