உலக சிற்றிதழ் வரலாற்றில் இமாலய சாதனை.
100வது இதழ் வெளியீடு.
சந்திரமவுலி அழகியசிங்கர் என்ற இலக்கிய பேரார்வலரின் இந்த உழைப்பு, அர்ப்பணிப்பு, தமிழ் மீது கொண்ட காதல், தளராத மன வலிமை அத்தனையும் இந்த இமாலய சாதனைக்கான காரணிகளாக உள்ளது என்றால் மிகையாகாது. அவருடைய இனிமையான அணுகுமுறையும், இதயத்திலிருந்து வெளிப்படும் வஞ்சகமில்லா அன்பும், ஒவ்வொரு இதழின் மீதும் அவர் காட்டும் அக்கறையும் எழுத்தில் அடங்கா செயல் திறன்கள் என்பதை அவரைப் பற்றி நண்பர்கள் இடும் பதிவின் மூலமும், அவருடைய பதிவுகளின் மூலமும் நான் அறிந்திருக்கின்றேன். அவரைக் கண்டு இன்றளவும் வியந்து வருகின்றேன்.
100 இதழ்கள் என்பது நினைத்துக் கூட பார்க்க முடியாத உலக சாதனை. இந்த சாதனை ஒரு நாளில் வந்ததில்லை. 28 வருடங்களின் வலி, வேதனை, ஏமாற்றம், பொருளிழப்பு உள்ளடக்கியது தான் இந்த வெற்றி.

